Pwy ydym ni?
Mae’r Prosiect Trin Gwastraff Gweddilliol Gogledd Cymru (PTGGGC) yn bartneriaeth rhwng pum cyngor sir ar draws Gogledd Cymru: Ynys Môn, Gwynedd, Conwy, Sir Ddinbych a Sir y Fflint. Mae’n brosiect arloesol ar gyfer rheoli gwastraff yn effeithiol yng Ngogledd Cymru.

Pam ein bod yn cydweithio?
Nid yw safleoedd tirlenwi bellach yn opsiwn cynaliadwy ar gyfer delio gyda gwastraff gweddilliol, sef gwastraff ni ellir ei ailgylchu ac sy’n cael ei roi mewn miloedd o finiau duon ar draws y wlad. Does dim llawer o safleoedd tirlenwi ar ôl yng Nghymru ac mae’r Cynulliad wedi gosod targedau i gwtogi’r miloedd o dunelli o sbwriel sy’n cael eu gyrru i safleoedd tirlenwi. Er mwyn ymateb i hyn, mae’r Prosiect wedi cychwyn edrych ar ddulliau eraill i reoli gwastraff ni ellir ei ailgylchu, gyda’r effaith lleiaf posib ar yr amgylchedd.

Beth yw Achos Busnes Amlinellol?
Dogfen sy’n nodi pa gyllid, staff, adnoddau a chyfleusterau fydd o bosib eu hangen i reoli’r gwastraff gweddilliol yn effeithiol. Mae’r ddogfen yn helpu’r Cynulliad i benderfynu os ydynt yn cytuno gyda’r cynlluniau, ac os ydynt yna efallai y cawn arian i helpu’r prosiect.

Beth sydd yn yr Achos Busnes Amlinellol?
Fel rhan o lunio’r Achos Busnes Amlinellol mae gofyn i’r Prosiect nodi dull o reoli gwastraff a safle lle y gallai hyn ddigwydd. Ond nid yw hyn yn bendant, dim ond cychwyn y broses trafod. Bydd y safle a’r dull dewisol yn mynd allan i dender ym 2010 a bydd unrhyw safle yn gorfod mynd trwy’r broses caniatâd cynllunio arferol.

Pa safle sydd wedi cael ei ddefnyddio yn yr ABA ?
Mae’r safle sy’n cael ei enwi yn yr achos busnes wedi ei leoli ar Stad Ddiwydiannol Glannau Dyfrdwy yn Sir y Fflint. Felly mae’r Prosiect yn trafod gyda’r cymunedau lleol o amgylch y safle i esbonio’r camau nesaf a'u diweddaru yn ystod y broses. Nid yw’r penderfyniad o leoli’r safle trin gwastraff gweddilliol ar Stad Ddiwydiannol Glannau Dyfrdwy wedi ei gadarnhau. Cychwyniad ar broses deunaw mis yw hyn a gall cynigwyr posib a fydd efallai yn adeiladu a rheoli’r gyfleuster (neu’r cyfleusterau) awgrymu unrhyw le ar draws Gogledd Cymru.

Pa dechnoleg sy’n cael ei ddefnyddio yn yr ABA ?
Y dechnoleg sy’n cael ei awgrymu yn yr ABA a allai gael ei ddefnyddio i reoli gwastraff gweddilliol yw Egni-o-Wastraff (EoW). Does dim penderfyniad wedi ei wneud ar hyn. Egni-o-Wastraff yw’r broses o losgi gwastraff ni all ei ailgylchu ac yna storio’r gwres a’r stêm sy’n cael ei gynhyrchu. Yna fe all y gwres a’r stêm yma gael ei ddefnyddio gan weithrediadau masnachol gerllaw i bweru eu safleoedd. Felly mae’n cynhyrchu egni adnewyddadwy heb ddibynnu’n hollol ar danwydd ffosil.

Beth Nesaf?
Os yw’r Cynulliad yn cymeradwyo’r ABA, yna bydd y Prosiect yn gofyn i gynigwyr dendro ar gyfer y dasg o reoli ac adeiladu’r safle trin gwastraff gweddilliol. Fel rhan o’r broses ceir ymgynghoriad yn ystod haf 2010 yn ôl pob tebyg.
Bydd y Prosiect yn trafod gyda phreswylwyr lleol yn ystod y broses ymgynghori ac yn gweithio gyda nhw i helpu i asesu’r dull gorau o benderfynu ar y cynigiwr llwyddiannus.

DOGFENNAU PROSIECT

Mae'r rhan yma yn cynnwys papurau cyfarfodydd Cyd-Bwyllgor Gwastraff Gweddilliol Gogledd Cymru. Mae'r cyfarfodydd yma yn cael ei gynnal yn chwarterol, a fydd papurau cyfarfodydd yn cael ei bostio ar ol bob cyfarfod. Mae'r ddogfenau yn Gymraeg a Saesneg.

	Datganiad wasg - gweithio gyda'n gilydd ar wastraf
	Mawrth 2009
	Gorffennaf 2009
	Medi 2009
	Rhagfyr 2009

Achos Busnes Amlinellol
Isod mae fersiwn cyhoeddus o'r Achos Busnes Amlinellol (fersiwn 1.2, Tachwedd 2009). Fe fydd fersiwn wedi'w ddiweddaru ar gael ar y safle hon ar ol ei gyflwyno i Lywodraeth Cynulliad Cymru.

NWRWTP OBC_draft_v1.2a

Atodiadau Cefnogol

	Appendix A: WAG OBC Evaluation Criteria
	Appendix B:_Planning Health Check Framework (MPB-180908)
	Appendix CC:_Accounting Opinion
	Appendix D:_NWRWTP Options Appraisal Report Final
	Appendix G: N023i3 Waste Strategies Review
	Appendix GG: Flintshire CHP Study Final Draft Report
	Appendix L:_Procurement Strategy
	Appendix N: Deeside scoping report
	Appendix N: (part B) Scoping cover letter
	Appendix P:_WAG - Future Directions for Waste Management
	Appendix Q:_Contract Notice DRAFT_121209 clean
	Appendix R_WIDP Standard Output Specification Drafting
	Appendix R:_WIDP Standard Output Specification Principles
	Appendix S: High Level Risk Allocation Schedule
	Appendix Z: N021i3 Planning Policy Review